Лос-Анжелесда автомобиль одамларни босиб кетди

Фото: Foxnews

Американинг Калифорния штати Лос-Анжелес шаҳрида автомобиль одамлар тўдаси устига юриб кетди. Бунинг оқибатидаа камида 8 киши жабрланган, деб хабар қилмоқда Fox News.

Дастлабки маълумотларга кўра, воқеа The Fish Spot денгиз таомлари ресторани яқинида содир бўлган. Вэн йўл четига тўхтай олмай қолган.

Шаҳар ўт ўчириш хизматига кўра, 8 киши шифохонага олиб кетилган. Улардан 4 нафарининг аҳволи оғир экани айтилмоқда. Яна 9 киши енгил жароҳатлар олган.

Полициянинг маълум қилишича, ҳайдовчи ҳодиса жойини тарк этмаган, шунга кўра, фалокат тасодифан рўй берган бахтсиз ҳодиса сифатида тахмин қилинмоқда.