Фото: AP
Хитой Халқ Республикаси тижорат вазири Чжун Шаннинг маълум қилишича, БРИКС давлатлари иқтисодиёт ва ташқи савдо вазирлари электрон тижорат соҳасидаги ҳамкорликни кучайтириб боришга келишиб олдилар. Бу ҳақда РИА «Новости» хабар бермоқда.
«Вазирлар электрон тижорат соҳасидаги ҳамкорликни мустаҳкамлашга келишиб олдилар, бу ўзаро савдо даражасининг ўсиши, янги иш ўринларини ташкил этиш, ривожланаётган давлатлар кичик ҳамда ўрта бизнесининг глобал тизимга интеграциясига ижобий таъсир кўрсатади», - деди Шань.
Унинг қўшимча қилишича, барча вазирлар БРИКСнинг ушбу соҳадаги ҳамкорликни ривожлантириш учун ишчи гуруҳини ташкил этишга келишиб олишган.
