АҚШ иқтисодиётида ўртача иш ҳақи ортиб бормоқда

Ўтган ойда АҚШ аҳолисининг жадал иш билан таъминланиши сақланиб қолган бир пайтда, ишчиларнинг ўртача маоши ҳам ортган. Бу FedRes Банкнинг келгуси ой эълон қилиниши кутилаётган янги облигацияларнинг портфолиосини мувафаққиятли тақдим этишда қўл келиши мумкин. 

Reuters'нинг иқтисодчилар ўртасида ўтказган сўровномаси натижаларига кўра, жума куни Меҳнат вазирлиги томонидан кўриб чиқилиши кутилаётган иш билан банд бўлиш тўғрисидаги ҳисоботи қуйидагича кўриниш касб этади: июнь ойида қишлоқ хўжалигига алоқадор бўлмаган тармоқларда 183,000 киши иш билан таъминлаган бўлиб, ўтган ой бу кўрсаткич 222,000 га етган бўлиши мумкин.

Умумий ишчиларнинг бир соатлик иш ҳақи июнь ойида 0.2 фоизга ортган бўлса, кейинги муддатда бу 0.3 фоизлик кўрсаткичга етган. Иш ҳақининг секин ортиб бориши ва унга мос келадиган бенуқсон инфляция суръатларига қарамай, АҚШ Марказий банки фоиз кўрсаткичларини оширишни йилнинг сўнггигача кўриб чиқмасликка қарор қилмоқда.

"Барибир кўплаб малакали ходимлар тўлиқ бандлик билан ишлай олмаяпти, меҳнат бозоридаги талаб ва таклиф рўё бўлиб қолиши мумкин", - дейди Нью-Йоркдаги Standart Chartered Bank иқтисодчиси Майк Моран.

Июль ойи учун мамлакатда 180,000 иш ўрни яратилиши прогноз қилинган эди, лекин АҚШ иқтисодиётини мўътадил ривожланиш ҳолатида сақлаб қолиш учун ҳар ой 75,000 ёки 100,000тадан янги иш ўрнини яратиш талаб қилинади.