Россия Қозоғистонга Новосибирск яқинидаги кўлни берди

Россиянинг Новосибирск вилояти Купинск туманида жойлашган Сладкое кўли чегараларнинг демаркациясидан сўнг Қозоғистонга берилди. Бу ҳақда Купинск туман маъмурияти сайтида хабар қилинган.

«Демаркация ишларини ўтказишдан аввал Купинск туманининг Покровка қишлоғидан 5 километрлик масофада жойлашган Сладкое кўли бир қисми Россия Федерация ҳудудида эди. Ов мавсуми пайтида ушбу кўлга жуда кўплаб ов ҳаваскорлари келарди – маҳаллий аҳоли вакиллари ҳам, Новосибирск ва Омск вилоятларининг туманларида яшовчилар ҳам», - дейилади хабарда.

Демаркация якунланганидан сўнг кўл бутунлай Қозоғистонга ўтди. Туман маъмурияти шу сабабдан маҳаллий аҳоли ва бу ерга келганларни чегара режимини бузмаслик ҳақида сўрамоқда.