КХДР Хитойдан озиқ-овқат маҳсулотлари импортини бир неча баробарга оширди

Хитойдан КХДРга сўнгги ойларда озиқ-овқат ва қишлоқ хўжалиги маҳсулотларининг етказиб берилиши бир неча баробарга ошди. Бу ҳақда Ҳонгконгнинг South China Morning Post нашри Хитой божхонаси маълумотларига асосан хабар берган.

Таъкидланишича, 2017 йилда Шимолий Кореяга маккажўхори экспорти ҳажми 2016 йил билан таққослаганда 32 баробарга ошган, шунингдек, ун, банан ва шоколаднинг етказиб берилиши ҳам ортган.

Экспертларнинг сўзларига кўра, импорт ҳажмининг кўпайиб бораётгани Шимолий Кореяда бозор талаби ортаётганидан дарак беради, бироқ бу “Пхеньяннинг Пекинга қарамлиги ҳам ошганини англатади, сабаби ушбу давлат бошқа давлатлардан маҳсулотларни эркин харид қилиши имконсиз”.

Аввалроқ АҚШ президенти Дональд Трамп Ким Чен Инни «доно қарорни қабул қилгани» учун мақтаганди.