Келаётган куз фаслида Parus оилавий дам олиш маркази сиз учун янгиланган услубда хизмат кўрсатишга тайёр. Бу ерда янги дўконлар, болалар учун турли ўйингоҳлар ҳамда катталар учун кўнгилочар кайфият кафолатланади. Қуйида мажмуамиз имкониятлари ва янгиликларимиз билан таништирамиз.
Минус биринчи қаватда оила аъзоларингиз учун қуйидаги қулайликлар тақдим этилади:
Бу ерда вақтингизни дўстларингиз билан мароқли ўтказишингиз учун янги квест-рум ва лазер-таг очилиш арафасида. Кўпчилигингиз вайрона уйлар, эски саройларда акс эттирилган қўрқинчли филмлар томоша қилишни ёқтирасиз. Янги «13-уй» хоррор-квестида эса ана шундай қўрқинчли филмларнинг элементларини учратасиз.
Унинг ёнида Тошкентдаги биринчи лазер-таг сизга мунтазир. Бунда иштирокчилар лазер нурларидан бир-бирларига ўқ узишлари мумкин. Ишонинг, бу фарзандларингизни компьютер ўйинларидан чалғитишнинг, катта ёшдагиларнинг эса узоқ иш кунидан сўнг мушакларини ҳаракатга келтиришнинг самарали воситасидир.
Иккинчи қаватда жойлашган Mini Me болалар кийимлари дўконида сиз фарзандларингизга чиройли, қулай ва энг асосийси сифатли кийимлар харид қилишингиз мумкин. Шу билан бирга, Toys Land болалар ўйинчоқлари дўкони ҳам мазкур қаватда бўлиб, у ерда сиз вақт ва сифат синовидан ўтган турли ўйинчоқларни топасиз. Сотувда табиий материаллардан ясалган классик болалар ўйинчоқлари ҳам бор. Дўконда ҳар бир мижозга профессионал тарзда хизмат кўрсатилади. Буларнинг ҳаммаси эса болажонларга олам қувончини бериш учундир.
Stacy Nail Bar — тирноқларингиз гўзаллиги учун хизмат кўрсатишга тайёр. Унинг ташкил этилиши марказимизни янада тўлдирди десак муболаға қилмаган бўламиз. Яқинда унинг хизматлари сафи мижозлар талабидан келиб чиққан ҳолда сартарошхона билан бойиди.
Аксарият ёш оналар ўз ташқи кўринишларига вақт ажрата олмасликларидан норози бўладилар. Stacy Nail Bar Parus болалар майдончалари билан ҳамкорликда иш олиб боради. Яъни фарзандингиз фойдали машғулотлар, ўйинлар билан банд бўлган пайтда сиз бехавотир салоннинг хизматларидан фойдаланишингиз мумкин.
