Каталония ҳукумати уч кунлик мотам эълон қилди

Каталония ҳукумати Барселона марказида рўй берган терактдан сўнг уч кунлик мотам эълон қилди, деб хабар бермоқда La Informacion.

Барселона ҳокими Ада Колау шаҳарда 18 август куни соат 12.00 (Тошкент вақти билан 15.00)да бир дақиқалик сукут эълон қилиниши ҳақида маълум қилган.

17 август куни маҳаллий вақт билан соат тахминан 17.00 (Тошкент вақти билан 20.00)да оқ фургон Барселона марказида жойлашган Рамбла кўчасидаги кишиларнинг устига бостириб борилди. Сўнгги маълумотларга кўра, 13 киши ҳалок бўлди, яна 32 инсон жабрланди.