Италия бош вазири: Бирорта давлат ўзини террорчилик хавфидан ҳимояланган деб ҳис қилолмайди

Италия бош вазири Паоло Жентилони Римини шаҳрида ўтаётган халқаро католик анжумани очилишида Европада содир этилган охирги терактлар хусусида тўхталиб ўтди.

Жентилони “баъзи сайтларнинг ваҳимали ташқивоти”га ишонмаса-да, бироқ “бирорта давлат, жумладан Италия ўзини хавфдан ҳимояланган деб ҳис қилолмаслигини равшан англашини” айтди.

Жентилони бундай баёнотни ИШИДга яқин баъзи экстремистик сайтларда Испаниядаги терактлардан кейин Италия нишонга олиниши ҳақидаги маълумот жойлаштирилгандан кейин берган.