Мирзиёев Краснодардаги фожиа муносабати билан Путинга ҳамдардлик билдирди

Шавкат Мирзиёев Владимир Путинга таъзия изҳор қилди. Бу ҳақда Ўзбекистон раҳбари матбуот хизмати хабар берди.

Қайд этилишича, Ўзбекистон Президенти Шавкат Мирзиёев Россиянинг Краснодар ўлкасида йирик йўл-транспорт ҳодисаси оқибатида кўплаб инсонлар ҳалок бўлгани ва жабрлангани муносабати билан Россия Федерацияси Президенти Владимир Путинга ҳамдардлик билдирган. 

Аввалроқ Россиянинг Краснодар ўлкасида йўловчи автобуси билан боғлиқ йўл-транспорт ҳалокати рўй бергани, ҳодиса оқибатида 14 киши ҳаётдан кўз юмгани ҳақида хабар берилганди.