Ливан армияси Сурия билан чегара ҳудудида ИШИД жангариларига қарши ҳарбий ҳаракатлар якунлангани ҳақида эълон қилди. Бу ҳақда армия баёнотига асосланган ҳолда Рейтер агентлиги хабар тарқатди.
Баёнотда айтилишича, ўт очилиши тўхтатилиши асирдаги жангариларни ливанлик аскарларга алмаштириш бўйича келишув муносабати билан кучга кирди.
Ливан армияси 19 август куни Сурия билан чегарадаги ҳудудларни ИШИД жангариларидан тозалаш учун кенг кўламли амалиётлар бошлаганди. Тоғли ҳудудлардаги Раас-Баалбек ва Ал-Каа туманларида ҳарбий ҳаракатлар олиб борилганди. Ливан армияси Ҳизбуллоҳ ташкилоти аскарлари билан иттифоқчиликда жанг қилди.
