Видео: Дембеленинг «Барселона»даги илк соатлари ва илк интервьюси

Франциялик ҳужумчи Усмон Дембеле Барселонага етиб келди. Дортмунднинг «Боруссия» клубидан «Барселона»га ўтаётган бу 20 ёшли футболчи клуб базасида бўлган ва клубдаги илк интервьюсини берган.

«Мен «Барселона»да ўйнашимдан жуда мамнунман. Ҳамиша «Барселона»да ўйнашни истардим, болаликдаги орзум ушалганидан жуда ҳам хурсандман. Мен дунёнинг энг кучли клубидаман, бу клубда энг яхши футболчилар ўйнайди. Менинг мақсадим бор кучимни шу клуб учун сарфлаш ва жамоа билан ютуқларга эришиш», — дея Дембеленинг сўзларини келтирган каталонияликлар клуби расмий сайти.

«Барселона» ушбу футболчи учун «Боруссия»га 105 миллион евро тўлади, бу миқдор турли бонуслар ҳисобига яна 40 миллион еврога ортиши мумкин.

Дембеле бугун каталонлар клуби билан 5 йиллик шартнома имзолаши кутилмоқда, унинг бадал пули миқдори 400 млн евро этиб белгиланади.