Кличко Киевдаги йўл сифатини мотоциклда текшириб кўрди

Киев шаҳри ҳокими Виталий Кличко 1 сентябрь куни кечқурун шаҳар кўчалари бўйлаб йўллар сифатини текшириш мақсадида мотоциклда сайр қилди. Бу ҳақда у фейсбукдаги саҳифасида хабар берди.

«Кеча янгиланган Воздухофлотск шоҳ кўчасини мамнуният билан текширувдан ўтказдим. Мотоциклларда, «Киевавтодор» раҳбари билан. Йўл сифати, таъмирлаш ишлари қандай бажарилгани иккита ғилдиракда яхшироқ ҳис этилади», - дея ёзди у.

Собиқ боксчининг маълум қилишича, «вақти-вақти билан шундай сайрларни амалга ошириб туради».

Шунингдек, Кличко мотоциклда кетаётгани тасвирланган видеони ҳам эълон қилди.