BMW X7 кроссоверига рақобат қиладиган 5 та йўлтанламас

Infiniti компаниясининг энг йирик йўлтанламасида 7 та ёки саккизта ўриндиқ жойлаштирилади. Унинг куч агрегати 405 от кучига эга 5.6 л V8 мотори бўлиб, 7 диапазонли автоматик узатмалар қутиси ёрдамида машинани ҳаракатга келтиради. У 7,5 сонияда «юз»га чиқа олади. 

Энг орқа ўриндиқларига DVD-мультимедиа тизими, 7 дюймли экранлар, бир жуфт симсиз қулоқчин тақдим этилади. Иқлим назорати ва ўриндиқларни иситиш ҳам ёддан кўтарилмаган. 

Mercedes-Benz GLS

Германия автомобилсозларининг яна бир вакили йирик «Мерседес» –X7 прототипидан ҳам каттароқдир. У 249 от кучига эга 3.0 л V6 дизель мотори, 333 ва 455 от кучига эга бензинли двигателлар билан таклиф этилмоқда. Бундан ташқари, кучайтирилган GLS 63 намунаси 585 от кучли 5.5 л V8 агрегатга эга бўлади. 

Модель жиҳозларига учинчи қатор ўриндиқлари, орқа ўриндиқларни иситиш ва мультимедиа тизими ҳам киради. 

Lincoln Navigator

Американмен «Навигатор» йўлтанламаси 456 от кучига эга бўлиб, 3,5 л жуфт-турбо мотор билан 10 босқичли автоматик узатмалар қутисида ҳаракатланади. Унга проекция дисплейи, атрофни намойиш қилувчи камера (360 даража), адаптив круиз назорати, уқаловчи олд ўриндиқлар. 

Иккинчи қаторда 2 та 10 дюйм экранли кўнгилочар тизим жойланган. Умуман, салонда 6 та USB-тирқиш, 4 та 12 вольт ва битта 110 вольтли розетка ҳам бор.

Cadillac Escalade

Escalade моделини узунроқ ёки калтароқ намунаси мавжуд. Йўлтанламасга фақат битта 409 от кучли, 6,2 л ҳажмли мотор ўрнатилади ва АУҚ воситасида автомобиль ҳаракатланади. 

Иккинчи қаторида 2 та алоҳида ўриндиқ бўлиб, тирсак қўйгичли ва ўринни иситиш тизимига эга. Учинчи қатордаги ўриндиқлар электрузатма ёрдамида йиғилади. Мультимедиа тизимига 9 дюймли экран (узунроғида 2 та дисплей), Blu-Ray қурилма ва 2 та симсиз қулоқчин киради.