Пентагон КХДР ракетаси ҳақида маълумот берди

Фото: Reuters

АҚШ мудофаа вазирлигидан маълум қилишларича, Шимолий Корея ўрта масофадаги баллистик ракетани учирган. Бу ҳақда РИА «Новости» хабар бермоқда.

«АҚШ ҚКнинг Тинч океани қўмондонлиги КХДР баллистик ракетаси учирилганини қайд этди ва уни кузатиб борди. Дастлабки тахминларга кўра, бу ўрта масофадаги баллистик ракета бўлган», - дейилади баёнотда.

Аввалроқ Шимолий Корея Тинч океани томон ракета учиргани хабар берилди. Шундан сўнг Жанубий Корея КХДР ҳаракатига жавобан дарҳол ўз баллистик ракетасини учирди. Бироз ўтиб КХДР ракетаси қанча масофани учиб ўтгани ва қандай баландликка кўтарилгани маълум бўлди.