Қўшимча функционаллар
-
Тунги кўриниш
Меланья Трамп Загребдаги рекламалардаги суратини 24 соат ичида олиб ташлашни талаб қилди
АҚШ президенти рафиқаси Меланья Трамп Хорватиядаги Америка институти Загреб шаҳри кўчаларида ўрнатган реклама билбордларидаги суратини 24 соат ичида олиб ташлашни талаб қилди.
Меланьянинг манфаатларини билдирувчи адвокат Наташа Пирц Мусар плакатларни ўрнатган корхона Хорватия қонунчилигидан бехабарлиги ҳақида фикр билдирган. Жумладан, унга кўра бирор одамнинг суратини унинг розилигисиз тижорат мақсадларида қўллаш тақиқланади.
Маълум қилинишича, аввалроқ Хорватия пойтахти кўчаларида АҚШ биринчи хонимининг АҚШ байроғи фонидаги сурати туширилган реклама билбордлари пайдо бўлганди. Унда "Инглиз тилини оз миқдорда билган ҳолда қанчалик узоққа боришингизни тасаввур қилиб кўринг-а!" деган ёзув бўлган. Бу билан асли словениялик бўлган Меланьянинг АҚШ биринчи хоними даражасигача етганига шаъма қилинган.
Реклама кампанияси муаллифи Загребдаги Америка институти бўлган. Таъкидланишича, ушбу креатив маркетинг Меланьянинг норозилигига сабаб бўлган ва унинг вакиллари бу ҳолат юзасидан судга шикоят тайёрлашмоқда.
Мавзуга оид
09:43 / 14.11.2024
Қонуний ташқи реклама конструкцияси ноқонуний бузилганда бизнес-омбудсманга хабар бериш мумкин
12:28 / 11.11.2024
Тошкентда ноқонуний ташқи рекламаларни олиб ташлаш бўйича рейд ўтказилди
16:06 / 08.11.2024
“Биологик фаол қўшимчалар рекламаларида 328 та қонунга зид ҳолат аниқланди” – Рақобатқўм
21:02 / 05.11.2024