Фото: motor.ru
Япониянинг Toyota компанияси дунёнинг энг қимматбаҳо автомобиль брендлари рейтингида биринчи ўринни эгаллади. Рейтинг Interbrand консалтинг компанияси томонидан тузилган.
Toyota нархи 50,2 миллиард долларга баҳоланмоқда, бу ўтган йилги кўрсаткичга қараганда 6 фоизга кам. Иккинчи ўринни 47,8 миллиард доллар билан Германиянинг Mercedes-Benz компанияси банд этди. BMW 41,5 миллиард доллар билан учинчи ўринда қайд этилди.
Топ-100 қимматбаҳо автомобиллар брендлари рўйхатига шунингдек Honda, Ford, Hyundai, Audi, Nissan, Volkswagen, Porsche, Kia, Ferrari ҳам киритилди.
Таъкидланишича, рейтингни тузишда сотувлар натижалари, бренднинг танилиши ва унинг бозорга таъсири инобатга олинган.
