Аллегри ЕЧЛнинг бош фаворитини маълум қилди

Фото: Getty Images

«Ювентус» клуби бош мураббийи Массимилиано Аллегри ЕЧЛда қайси жамоа ғалаба қозониши мумкин эканлиги ҳақидаги саволга жавоб қайтарди.

«ЕЧЛдаги бош фаворит - «Реал». Улар мавсум аввалида бироз тўхтаб қолишди ва қатор очколарни йўқотишди, бироқ энди тўғри нарсаларни қилишни бошлашмоқда: улар Дортмундда ўз максимумларидан 70 фоизга ҳаракат қилишди ҳамда ишончли ғалабага эришишди.

«Барселона»да катта ўйинларда ҳал қилувчи голларни урадиган Лионель Месси бор. «ПСЖ»да ҳаммаси бир қадар мураккаб, бироқ уларда Неймар, Килиан Мбаппе, Эдинсон Кавани, Дани Алвес каби футболчилар мавжуд… Кўрамиз, уларда март ойида қандай жамоа бўларкан», - дея Аллегрининг сўзларини келтиради Tuttosport.