Ўзбекистон-Россия ҳарбий ҳамкорлик режаси Душанбеда имзоланади

Ўзбекистон ва Россия ҳарбий идоралари 2018 йил учун икки томонлама ҳамкорлик режасини МДҲ давлатлари мудофаа вазирлари Кенгаши йиғилишида имзолаши мумкин, деб хабар берган Россиянинг Тошкентдаги элчихонаси ҳарбий атташеси Сергей Чернишев.

Сергей Чернишевнинг таъкидлашича, ҳозирда кейинги йил учун ҳар икки мамлакат мудофаа вазирликлари ўртасидаги икки томонлама ҳамкорлик режасини имзолашга яқин келинди: уни ҳарбий маҳкамалар раҳбарлари МДҲ мудофаа вазирлари Кенгашининг Душанбе шаҳридаги учрашуви чоғида имзолашни режалаштиришган.

Унинг сўзларига кўра, бу режада, хусусан, икки мамлакат ўртасида янги ҳарбий машқларни ўтказиш назарда тутилмоқда, деб хабар қилган vesti.uz.