Россия Либерал демократик партияси етакчиси Владимир Жириновский Россиянинг Чукотский ва АҚШнинг Аляска ярим оролларини кўприк ёрдамида ўзаро боғлаш таклифи билан чиқди, деб хабар бермоқда РИА «Новости».
У бу ҳақда Қримдаги кўприк қурилиш жойига қилган сафари якунлари бўйича маълум қилган. Қримдаги кўприкда автойўл аркасини ўрнатиш ишлари олиб борилмоқда.
«Биз Сахалин - Японияни қурамиз, истиқболда эса Чукоткани Аляска билан улаймиз», - деган Жириновский.
Аввалроқ Жириновский ўз IQ кўрсаткичини Трамп ва Тиллерсон натижаси билан таққослашни хоҳлаётгани хабар берилганди.