АҚШ Ер атрофидаги орбитада қолдирилган коинот чиқиндилари миқдори бўйича етакчилик қилмоқда, деб ёзмоқда Buisness Insider нашри.
Маълум қилинишича, орбитада яроқсиз ҳолга келган сунъий йўлдошлар, коинот станциялар ва ракеталарнинг 14 мингдан кўпроқ бўлаги учиб юради. Ҳар куни уларнинг миқдори ортиб бормоқда. Бунга эса учта йирик давлатнинг коинотдаги фаолияти сабабдир, деб айтилган мақолада.
Нашр журналистлари очиқ манбаларга асосланган ҳолда, бу давлатлар орбитада қанча "чиқинди" қолдиришганини ҳисоблаб чиқишди. Аниқланишича, ушбу чиқиндаларнинг катта миқдори учун АҚШ жавобгардир: уларнинг ҳисобида 3999 та йирик объект бор. Россия эса АҚШдан бу борада 38 та объектга "ортда қолмоқда".
3-ўринни Хитой эгалламоқда, унинг ҳисобида 3475 та коинот чиқиндиси бор. Муаллифларнинг таъкидлашича, чиқиндиларнинг аксарияти 2007 йилда сунъий йўлдошларга қарши қуролнинг синовлари ўтказилиши натижасида вужудга келган.
Муаллифларнинг огоҳлантиришича, бу бўлакларнинг кўпайиши "Кесслер синдроми"га олиб келиши мумкин – бунда орбитанинг кучли ифлосланиши оқибатида унда коинот қурилмаларини жойлаштиришнинг имкони бўлмай қолиши мумкин.
