Аввал Maxar Intelligence номи билан танилган компания суратни X ижтимоий тармоғида тақдим этган. Тасвирда Сатурн ва унинг атрофидаги осмон қисмида кўринадиган юлдузлар акс этган.
Vantor WorldView Space йўналишини ривожлантирмоқда. Унинг вазифаси Ер юзасини эмас, космосдаги объектларни суратга олишдан иборат. Компания аппаратлари орбитадан бошқа сунъий йўлдошларни ҳам тасвирга олиш имкониятини намойиш этган.
Жумладан, 2025 йил декабрда WorldView-3 аппарати носоз Starlink сунъий йўлдошини 240 километр масофадан суратга олган.
2026 йил апрелда эса WorldView Legion 4 сунъий йўлдоши «Хаббл» космик телескопини тахминан 61,8 километр масофадан тасвирга туширган. Суратда бир пикселга қарийб тўрт сантиметр тўғри келгани туфайли телескопнинг цилиндрсимон корпуси, ялтироқ иссиқлик ҳимоя қопламаси, очилган қуёш панеллари ва олд қисмидаги очиқ оптик туйнуги кўринган.
Vantor маълумотига кўра, компаниянинг еттита аппарати 200–1000 километр баландликдаги орбиталарда жойлашган объектларни суратга ола олади. Бундай кузатувлар учун эълон қилинган энг юқори тасвир аниқлиги 2,5 сантиметргача етади. Бу кўрсаткич Сатурн суратига эмас, орбитадаги объектларни яқин масофадан тасвирга олиш имкониятига тааллуқли.
Сатурннинг янги сурати эса компания сунъий йўлдошлари анча узоқдаги осмон жисмларини ҳам кузата олишини намойиш этган.
