29 октябрь куни Германиянинг марказий ва шимолий қисмига «Герварт» довули кириб келди.
Берлин ўт ўчириш хизмати шаҳарда фавқулодда вазият эълон қилган, дастлабки 3 соат ичида 100дан ортиқ амалиётлар ўтказилган.
Қайд этилишича, табиий офатга қарши курашиш ҳаракатларига кўнгиллилар ҳам жалб этилмоқда.
Deutsche Bahn темир йўл концерни Қуйи Саксония, Ҳамбург, Тюрингия ва бошқа ерларга поездлар ҳаракатини тўхтатган.
Айни вақтгача довул оқибатида қурбон бўлган ёки жароҳатланганлар ҳақида маълумотлар йўқ.
