«Трибуна» Европа футболи уик-эндини сарҳисоб қилади.
Моуриньонинг навбатдаги мағлубияти, «Ювентус»нинг ҳасадгўй раҳбарияти ва «Реал» кийим алмаштириш хонасидаги муҳим – ҳафта ўйинларининг асосий воқеалари.
Моуриньонинг футболи жонга тегди
Жозе Моуриньо мавсумда иккинчи марта тўғридан-тўғри рақибникига сафар қилди. Иккинчи сафар ҳам қуруқ қайтди. «Энфилд»да португалиялик мутахссис бир очко олганди – бу ҳозирги вазиятда яхши баҳоланганди. Аммо жамоа гол ура олмаганди ҳам. «Стэмфорд Бриж»да якшанба куни «Челси»га қарши ўйинда ҳам гол бўлмади. Энди «Юнайтед» мавсум стартини қандай зўр бошлагани унутилди. Моуриньо мавсум стартидаги 7 турда йирик ҳисобларда мағлуб этган жамоалар қайси жамоалар бўлганини кузатамиз.
1-тур. «МЮ» 4:0 «Вест Ҳэм» (11 турдан кейин 18-ўрин)
2-тур. «Суонси» (19-ўрин) 0:4 «МЮ»
3-тур. «МЮ» 2:0 «Лестер» (12-ўрин)
4-тур. «Сток Сити» (14-ўрин) 2:2 «МЮ»
5-тур. «МЮ» 4:0 «Эвертон» (15-ўрин)
6-тур. «Саутҳемптон» (13-ўрин) 0:1 «МЮ»
7-тур. «МЮ» 4:0 «Кристалл Пэлас» (20-ўрин)
Аутсайдерларнинг додини бериш билангина чемпионлик пойгасида қатнашиб бўлмайди. Кучли жамоаларга қарши ўйин учун яхшироқ тактика ўйлаб топиш вақти келган. Моуриньо жамоаси ижросидаги футбол – Европа футболида классика, яъни эскирган. Жозенинг барча ўйинларга бир хилда ёндашуви катта ўйинларда панд бериб қўймоқда. Ҳатто «Тоттенҳэм»га қарши кечган ва ғалаба билан якунланган ўйинда ҳам манкунианликлар нима қилишни билмай қолишганди. Бу нафақат Жозенинг услуби шундай эканини, балки, у ўз жамоасининг ҳужумдаги салоҳиятига ишонмаётганини ҳам англатади.
Жозе – Пеп Гвардиола қарама-қаршилиги. «Ливерпуль» ва «Арсенал» биргаликда «Сити»дан 8та гол ўтказди. АПЛда Пеп жамоасининг ҳужумларига дош бера олиши мумкин бўлган 3 жамоа қолмоқда – «Челси», «Тоттенҳэм» ва «МЮ». «Арсенал» якшанба кунги тўқнашувда ютқазиб, сафдан чиқди. Венгер фақат ҳакамлардан шикоят қилиш билан банд. Француз мутахассис жамоаси ҳакамлар хатолари туфайли ютқазганини айтмоқда, лекин ҳакамлар хато қилмаганида ҳам «канонирлар» рақибдан кучсиз эди.
Ҳасадгўй Маротта
