Видео: Ироқдаги зилзила

Интернетда Ироқ шарқидаги Сулаймония шаҳрида зилзила вақтида олинган видео пайдо бўлди.

12 ноябрь куни кечки соат 09:18 да Эрон ва Ироқ чегараси ҳудудида содир бўлган 7,6 балли зилзила Яқин Шарқнинг деярли барча ҳудудларида сезилди.

Зилзила маркази Ироқ пойтахти Бағдоддан 204 км шимоли-шарқда, Эроннинг Кирмоншоҳ шаҳридан 104 км ғарбда жойлашган. Зилзила ўчоғи 10 км чуқурликда жойлашган.

Охирги хабарларга кўра, зилзила оқибатида Ироқда юзлаб кишилар жароҳатланган, 4 киши ҳалок бўлган.

Эронда эса талофат миқдори тинмай ошиб бормоқда. Охирги хабарларга кўра, қурбонлар сони 200 нафардан ошди, 2000 нафарга яқин киши жароҳатланди, ўн минглаб киши бошпанасиз қолди.