Танзаниядаги авиаҳалокат 11 кишининг ҳаётини олиб кетди

Танзаниянинг шимолида енгил моторли самолётнинг фалокатга учраши оқибатида 11 киши ҳалок бўлди. Бу ҳақда самолётга эгалик қилган Coastal Aviation компанияси маълум қилди.  

Воқеа 15 ноябрь эрталаб Эмпакай кратери яқинида юз берган. 

“Биз тергов ўтказилиш учун барча зарур жараённи таъминлаймиз”, деб айтган компаниянинг бошқарувчи директори Жулиан Эдмундс.

Самолётнинг қулаши сабаблари ва бошқа тафсилотлар ҳозирча маълум қилинмаган.