Тошкентнинг «Пахтакор» клуби яримҳимоячиси Жамшид Искандеров Эроннинг «Сепоҳон» жамоасига ўтиши мумкин, деб ёзмоқда СА.
Манба берган хабарга кўра, Эрон клуби ўзбекистонлик футболчига жиддий қизиқиш билдирмоқда. Искандеровнинг вакиллари «Сепоҳон» билан музокараларга киришган.
ФИФАнинг трансферларни расмийлаштириш қоидаларига кўра, футболчининг клуб билан шартномаси тугашига 6 ойдан кам вақт қолган бўлса, у бошқа жамоа билан мустақил музокараларга киришиши ва шартнома имзолаши мумкин.
Маълумот учун, Искандеровнинг «Пахтакор» билан тузган амалдаги шартномаси йил сўнгида ўз ниҳоясига етади.
