Асад Путинга совға берди

Сурия президенти Башар Асад Россия етакчиси Владимир Путинга сурат совға қилди. Бу ҳақда РФ раҳбарининг матбуот котиби Дмитрий Песков маълум қилди, деб хабар бермоқда «Интерфакс».

«Бу Асаднинг совғаси. У Путинга сурат ҳадя қилди», - дея айтиб ўтган у.

Асад айнан қандай суратни совға қилгани номаълумлигича қолмоқда.

Шунингдек Песковнинг билдиришича, Сурия президенти Башар Асад Владимир Путин билан учрашуви давомида мамлакатга қочқинлар қайта бошлаганини айтган.

«Асад қочқинларни қайтариш жараёни бошлангани ҳақида гапирди. Яъни ўз уйларини жанговар ҳаракатлар туфайли тарк этган турли миллат, турли диндаги сурияликлар ортга қайта бошлашган», - дея айтиб ўтди у.

Шунингдек унинг таъкидлашича, учрашув давомида «сиёсий тартибга солишнинг эҳтимолий вариантлари» кўриб чиқилган.