Аргентинада Мессининг ҳайкалини яна синдириб кетишди

Аргентина пойтахти Буэнос-Айресда аргентиналик ҳужумчи Лионель Мессига ўрнатилган ҳайкалга номаълум шахслар томонидан зарар етказилди. Бу ҳақда Ole нашри хабар бермоқда.

Ҳайкал икки қисмга бузиб ташланган. Вандаллар ҳайкалнинг оёқлар жойлашган қисмидан синдириб кетишди.

Алоҳида таъкидлаб ўтиш жоизки, бундай безорилик биринчи марта рўй бераётгани йўқ. 2017 йилнинг январь ойи бошларида ҳам вандаллар ҳайкални икки қисмга синдириб кетишганди. Кейинчалик Мессининг ҳайкали тўла таъмирланди.