«Қор жанги». «Кёльн» 3:0 ҳисобидаги ғалабани мағлубиятга айлантирди (фото)

Германия чемпионатининг 15-турида «Кёльн» «Фрайбург»ни қабул қилди. «Райн-Энерги» стадионидаги учрашув ноқулай об-ҳаво шароити туфайли 15 дақиқа тўхтатилди.

«Кёльн» ўйин давомида 3:0 ҳисобида олдинда борган бўлса-да, якунда ҳисоб 3:4 кўринишига келди. Голларнинг иккитаси ўйин охирида ўтказилди. Мезбонлар сафида Лукас Клюнтер ва Серу Гирасси биттадан гол урди, яна бир гол Калеб Станко номига автогол сифатида ёзилди. «Фрайбурга» сафида Нильс Петерсен хет-трик қайд этди, яна бир голни Яник Хаберер ўз ҳисобига ёзиб қўйди.

Шу тариқа, «Кёльн» Бундеслигада ғалабасиз сериясини 15 ўйинга етказди. Жамоа турнир жадвалида 18-поғонада қолмоқда. «Фрайбург» 15 очкоси билан 16-ўринда жойлашган.

Германия чемпионати
15-тур
Кёльн – Фрайбург 3:4 (3:1, 0:3)
Голлар: 1:0 – 8 Клюнтер, 2:0 – 16, пенальти Гирасси, 3:0 – 29, автогол Станко, 3:1 – 39 Петерсен, 3:2 – 65 Хаберер, 3:3 – 90, пенальти Петерсен, 3:4 – 90, пенальти Петерсен.
Кёльн – Хорн, Соренсен, Хорн, Хайнц, Ольковски, Ўзжан , Леманн, Рауш (Риса, 72), Клюнтер (Клеменс, 80), Йойич (Биссек, 70), Гирасси.
Фрайбург – Шволов, Кох, Шустер (Кляйндинст, 18), Линхарт (Станко, 17), Штенцель, Хаберер, Хефлер, Гюнтер, Раве, Петерсен, Террацино (Кат, 63).
Огоҳлантиришлар: Клюнтер (20), Ўзжан (25), Хаберер (52), Хефлер (84), Кляйндинст (90), Гирасси (90).