Эксперт: «Россиялик ёмон йигитлар рўйхати тузилди»
Оқ уй конгрессга беришни режалаштираётган россияликларнинг қора рўйхатидан «ёмон йигитлар» жой олиши керак. Бу ҳақда Давлат департаментининг санкция сиёсати бўйича собиқ бош мувофиқлаштирувчиси, Вашингтондаги Atlantic Council эксперти Дэниел Фрид «Коммерсант» нашрига берган интервьюсида айтиб ўтди.
Фриднинг аниқлик киритишича, бу рўйхатдан жой олганлик ушбу инсонларга қарши санкциялар автоматик тарзда жорий этилишини англатмайди, бироқ шундай хавф пайдо бўлади.
«Мен шундай деган бўлардим: америкалик ва европалик банклар бу инсон рўйхатда бўлса, у билан ўзаро алоқалар катта таҳдидларга эга бўлиши мумкин экани ҳақидаги фикрга келиши мумкин», - дея таъкидлаб ўтди америкалик эксперт.
Унинг сўзларига кўра, у Оқ уйни сон кетидан қувмаслик ҳамда «режани ортиғи билан бажаришга» ҳаракат қилмасликка чақирган.
«Энг тўғри қарор шундан иборат бўлар эдики, анча қисқа, бироқ «ёмон йигитларнинг» кучли рўйхатини тузиш керак. Яъни, коррупция, криминал фаолият ва тажовузкорлик актлари билан боғланган одамларни. Бу ерда сон ҳеч қандай аҳамият касб этмайди», - дея қўшимча қилиб ўтди Фрид.
Таъкидланишича, АҚШда «Кремль ҳисоботи»ни яратиш давом этмоқда, у «Америка душманларига санкциялар орқали қарши курашиш» қонуни доирасида ишлаб чиқилмоқда.
Мавзуга оид
16:10
АҚШ РФ ва ХХРни ASEAN давлатлари баёнотини блоклашда айблади
10:09
АҚШнинг Полшадаги янги РҚМ базаси Россия ракеталарини уриб тушира олади
13:07 / 13.10.2024
«Чекмайди ва онда-сонда озгина ичади». Камала Ҳаррис ўз тиббий картасини эълон қилди
16:29 / 12.10.2024