Тожикистонда «Google’га солиқ» жорий этилиши мумкин
Тожикистон Солиқ қўмитаси раҳбари Нусратулло Давлатзода ҳукуматга мамлакатда жисмоний шахсларга электрон шаклда хизматлар тақдим этувчи хорижий компанияларга ўз фаолиятидан қўшимча қиймат солиғини тўлаш мажбуриятини юклаш лозимлиги борасида мурожаат билан чиқди.
Унинг сўзларига кўра, интернет орқали Россия ҳудудида электрон контент билан савдо қилувчи хорижий компаниялар - Google, Apple, Microsoft, Facebook, eBay, Aliexpress, Yahoo, Bing қўшимча қиймат солиғи тўлашни бошлаганларидан сўнг, Россия давлат ғазнаси жорий йилнинг биринчи чорагида 2 млрд рублга тўлдирилди. Ҳужжат интернетда «Google’га солиқ» номи билан машҳур бўлиб кетди.
Тожикистон Солиқ қўмитаси раҳбарининг умид билдиришича, «Google’га ва бошқа хорижий компанияларга солиқ киритилиши бюджетга қўшимча маблағлар жалб этишда қўл келиши мумкин».
«Интернет орқали амалга оширилувчи барча ҳаракатларни тартибга солиш учун керакли чораларни кўриш вақти келди. Солиқ қонунчилигига шундай бандни киритиш керакки, у билан жисмоний шахсларга электрон шаклда хизматлар тақдим этувчи хорижий компаниялар учун қўшимча қиймат солиғининг тўланиши мажбурий қилиб қўйилиши даркор», - дея таъкидлаб ўтди Давлатзода.
Мавзуга оид
21:56 / 13.10.2024
Google битта тугмани босиш орқали ҳар қандай ҳужжатни подкастга айлантирадиган хизматни ишга туширди
22:55 / 12.10.2024
Тожикистон Омбудсамни мигрантлар ҳуқуқлари бузилаётгани сабабли Россия расмийларига мурожаат қилди
12:00 / 11.10.2024
Танзила Норбоева Имомали Раҳмон билан учрашди
18:54 / 09.10.2024