АҚШнинг Анқарадаги элчихонаси Туркия фуқаролари учун ноиммиграцион визаларни беришга чекловни бекор қилди, деб хабар бермоқда NTV телеканали.
Таъкидланишича, Туркия ва АҚШ ўртасидаги виза инқирози ҳал қилинди.
6 ноябрда Туркия АҚШ фуқароларига “чекланган миқдорда” визалар беришни тиклаганди.
8 октябрда АҚШнинг Туркиядаги элчихонаси АҚШнинг Истанбулдаги бош консуллиги ходими Метин Топуз ҳибсга олингандан кейин турк фуқароларига ноиммиграцион визалар беришни тўхтатганди.
Бунга жавобан Туркиянинг АҚШдаги элчихонаси ҳам худди шундай чора қўллаганди.
