Трамп АҚШда исломофобия кучайганида айбланди

АҚШдаги мусулмонлар Дональд Трамп президентга айланганидан бери Қўшма Штатларда исломофобия жиддий кучайганига тўқнаш келишмоқда. Бу ҳақда The Independent Ислом-Америка муносабатлари бўйича кенгаш раҳбари Иброҳим Хупернинг баёнотига таянган ҳолда хабар берди.

Унинг сўзларига кўра, исломофобиянинг ҳозирги даражаси 2001 йилнинг 11 сентябрь кунги терактлардан сўнг мамлакатда кузатилган ҳолатдан анча юқоридир.

Хупернинг сўзларига қараганда, одамлар кишилар гавжум бўлган ерларда ислом динига эътиқод қилишларини айтишдан қўрқишмоқда.

«Дастлабки маълумотларга кўра, 2017 йил мусулмонларга қарши йўналтирилган ҳодисаларнинг сони бўйича энг ёмон йилга айланади», - дея айтиб ўтди у.