Kun.uz таснифи: 2017 йилнинг эҳтиросларга бой дақиқалари суратларда​

Владимир Путин «​Ватан ҳимоячилари куни»​да Кремлдаги «Номаълум аскар» мажмуасида

АҚШда ирқчиликни кучайтириб юборган Дональд Трамп сўзларига қарши ҳаракат - ўйинчилар тиз чўкди

АҚШнинг барча тирик ва собиқ президентлари Техас университетидаги тадбирда иштирок этмоқда.

Украина президенти Петр Порошенко асирликдан озод этилган украин ҳарбийларини аэропортда шахсан кутиб олмоқда.

«La La Land» продюсери Жордан Ҳоровитз англашмовчиликдан сўнг, «Оскар» мукофотини аслида «Moonlight» (Ой ёғдуси) фильми ижодкорларига тегишли эканини исботламоқчи бўляпти.

Боко Ҳарам жангарилари қўлидан қутқариб олинган 82 нафар қиз Нигерия президенти Муҳаммад Бухорий атрофида суратга тушмоқда.

Саудия Арабистони қироли, Миср ва АҚШ президентлари рамзий шарга қўл текизмоқда. Улар глобал экстеримистик ғояга қарши курашишга келишиб олганди.

АҚШ Федерал қидирув бюроси собиқ раҳбари Жеймес Коми президентлик сайловига Россиянинг аралашуви юзасидан Сенат олдида сўроқ қилинишидан бир лаҳза аввал.

Италиянинг Лампедуза оролига яқин жойда африкалик муҳожирларни олиб кетаётган сув кемаси чўкиб кетди. Ўртаер денгизи очиқ сув ҳавзасида қолиб кетган 600 нафар шахс қутқариб олинди, аммо 30 нафар муҳожир ҳалок бўлгани эълон қилинганди.

Дунёдаги илк силикон аниматроник чақалоқ Билбао шаҳридаги кўргазма майдонига қўйилган. Кўринишида ҳақиқий одамга жуда ўхшаш бўлган қўғирчоқ болакайнинг ичида юқори технологик механизм ишлайди.

Куала Лумпурдаги масжидда мусулмон аёл дугонаси билан суҳбатлашмоқда. Ушбу сурат Ислом оламидаги муқаддас ойлардан бири - Рамазон кунларида тасвирга туширилган.

Уруш ичида яшаётган Суриядаги шаҳарда истиқомат қилувчи аҳоли рўза ифторини кутмоқда.

Дакка шаҳрида дунёга келган сиам эгизаклари - Руққия ва Роббия шифокорларнинг якуний хулосасини кутишмоқда. Шундан сўнг, уларни ажратиш бўйича жарроҳлик амалиёти ўтказилиши белгиланганди.

Жобар шаҳрида ҳаво зарбасидан яраланган бола оғриққа чидай олмай, йиғламоқда.

Красноярск шаҳрида ташкиллаштирилган «Улкан Африка» томошасига ташриф буюрган қизни жирафа ўпиб қўймоқда.

Ҳюстон тўфонида уйидан айрилган она 13 ойлик чақалоғини бағрига босиб, офицерга миннатдорлик билдирмоқда.

Икки бошли юнон тошбақаси, Янус 20 ёшга тўлди. Айни пайтда у Швецариядаги «Миллий тарих музейи»да яшаб келмоқда.

Тахминан 58 киши вафот этган Лас Вегас отишмасида саросимага тушган кишиларнинг ҳаракати

Каталония Мустақиллиги декларацияси қабул қилинганидан бир ҳафта ўтиб, ҳукумат тарафида бўлган кишилар намойишларни бошлаганди.

Хитой Коммунистик партияси раҳбари 19-чи Партия Конгрессида иштирок этмоқда.

Аммор Хаммашо Суриядан Кипрдаги м​уҳожирлар лагерига етиб келган қизининг қўлларини ўпмоқда.

2017 йил 15 июлидан 16 июлига ўтар кечаси Туркияда 2016 йилги давлат тўнтаришига уринишнинг бартараф этилишининг бир йиллиги нишонланди. «Кун» мухбири воқеа жойидан тадбирларни ёритди.

Кутилмаганда Ўзбекистон Республикаси Марказий Банки 50 мингталик банктнотларни муомалага киритди.

6 сентябрь куни Ўзбекистон терма жамоаси «Бунёдкор» стадионида ЖЧ-2018 саралаш босқичи доирасида гуруҳнинг охирги турида Жанубий Корея билан дуранг ўйнади ва яна мундиалдан ташқарида қолди. Бу ўйиндан кейин терма жамоа етакчиларидан бири Александр Гейнрих халқаро майдондаги фаолиятини якунлади.

1 август куни ўтказилган олийгоҳларга кириш давлат имтиҳонлари ўзгача ва қаттиқ назорат остида ўтказилди.

12 сентябрь куни Ўзбекистон футбол федерациясининг ҳисобот сайлов конференциясида янги президентни сайлаш маросими бўлиб ўтди. Шу куни Мираброр Усмонов 10 йиллик фаолиятидан сўнг ўрнини Аҳмаджоновга бўшатиб берди.

Бензин нархи ошиши ҳақидаги расмий хабар тарқалишидан бир неча соатлар олдин турнақатор навбатлар ҳосил бўлганди.

Тошкентнинг “Ўқчи Олмазор” массивида бунёд этиладиган “Тошкент сити” маркази. Унинг умумий майдони 70 гектарни ташкил этади. Марказда саккизта бизнес марказ, технопарк, маданий хиёбон, уч ресторан ва турар-жой бинолари қад ростлайди. Массивда истиқомат қилган аҳоли бузилиш ишлари пайтида худудни тарк этмоқда.

Сурхондарё вилоятидан «Ўзбекнефтмаҳсулот» кийимида эшак устида кетаётган йўловчи.