Нью-Йоркдаги Трамп-тауэрда ёнғин юз берди

Фото: NBC

Нью-Йоркда жойлашган Трамп-таэур осмонўпар биносининг томида ёнғин юз берди. Бу ҳақда NBC хабар қилмоқда.

Видеоёзувлардан бино томидан чиқаётган қуюқ оқ тутунни кўриш мумкин, бироқ оловнинг ўзи пайқалмаган.

Телеканал маълумотларига кўра, ёнғинга электр симларидаги қисқа туташув сабаб бўлган бўлиши мумкин.

Воқеа юз берган жойда ўт ўчирувчилар ишламоқда. Ҳодиса оқибатида ҳеч ким жабрланмаган. Дональд Трампнинг ўзи ёнғин юз берган пайтда бино ичида бўлмагани айтилмоқда.