Энди абитуриент талабаликка ҳам, автомобилга ҳам, компютерга ҳам бир вақтда эга бўлиши мумкин.
Республикада истиқомат қилаётган олий ўқув юртига топширмоқчи абитуриентлар танловда иштирок этиш ҳуқуқига эга.
Танлов 4 йўналишда (Ижтимоий, иқтисодиёт, техника ва тиббиёт йўналишларида) ўзбек тилида ташкил қилинади.
Танлов икки босқичда ташкил этилади:
1. Саралаш босқичи 2. Финал босқичи
Саралаш босқич танлови
2018-йил январь ойи бошидан 20 июнга қадар давом этади.
Финал босқич танлови
Танловнинг Республика Республика босқичи бўлиб, 24 июнда Тошкент шаҳрида ўтказилади.
ТАНЛОВ ШАРТЛАРИ
Иштирокчилар «Имтиҳон» газетасининг январь ойидаги илк сонидан бошлаб июнь ойи ўрталаригача бўлган барча сонлари (1-12-сонлар) да босилган ўз йўналишидаги 3 та фан тестини ишлашади, газетадаги жавоблар варақасини тўлдиришади ва расмга олиб телеграмдаги https://t.me/yil_abituriyenti гуруҳга жойлашади ёки почта орқали таҳририят манзилига юборишади. Ҳар сондаги натижалар www.imtihonpress.uz сайтидаги «Йил абитуриенти» бўлимида эълон қилиб борилади. Неча балл тўплагани, айни пайтда иштирокчилар рейтингида қайси поғонани банд этиб тургани ҳақида маълумотга эга бўлишади.
Газетадаги жавоблар варақасида иштирокчининг исми-шарифи (паспорти бўйича), манзили ва телефон рақами сўралади. Жавоблар варақаси рақамланган ва муҳрланган бўлади.
Танловда иштирок этаётган абитуриент газетада чоп этилган тестни бир неча бор ечиши мумкин, лекин натижа борасида доим биринчи етиб келган натижа инобатга олинади.
