Қозоғистондаги фожиага нима сабаб бўлгани айтилди

Қозоғистонда автобуснинг ёниб кетишига электр симларнинг қисқа туташуви сабаб бўлган бўлиши мумкин. Ушбу фожиа оқибатида 52 киши ҳалок бўлди. Бу ҳақда Nur.kz фавқулодда ҳолатлар бўйича департаментнинг Ақтўбе вилояти бошқармасига таянган ҳолда хабар бермоқда.

Таъкидланишича, ёнғин юз берганидан сўнг ваҳима бошланган. Шунингдек, хабар қилинишича, автобусда йўловчилар сони белгиланганидан ортиқни ташкил этган.

Аввалроқ Қозоғистоннинг Ақтўбе вилояти ҳудудида ёниб кетган автобус йўловчиларининг барчаси Ўзбекистон фуқаролари бўлгани хабар қилинганди. Автобус Ўзбекистондан Россияга кетаётган бўлган.