«Трамп 20 млрд долларлик девор ғоясидан воз кечмади» - Оқ уй

Фото: Reuters

Оқ уй аппарати раҳбари Жон Келлининг Fox News телеканалига берган интервьюсида маълум қилишича, Мексика билан чегарада девор қуриш АҚШга тахминан 20 млрд долларга тушади.

Унинг таъкидлашича, Қўшма Штатлар президенти Дональд Трамп девор қуриш ва бунинг учун Мексикадан маблағ олиш бўйича ғоясидан воз кечгани йўқ. Бироқ, Келлининг сўзларига кўра, девор учун пуллар Мексика ҳукуматидан тўғридан-тўғри олинмаслиги мумкин. Трамп айни дамда пулларни НАФТА ёки виза тўловлари орқали олиш вариантини кўриб чиқмоқда.

Аввалроқ, Трамп маъмурияти Мексика билан чегарада девор қуришнинг дастлабки босқичи учун конгрессдан 18 млрд доллар ажратишни сўрагани маълум қилинганди.