Президент Сурхондарёга жўнаб кетди

Фото: ЎзА

Ўзбекистон президенти Шавкат Мирзиёев бугун, 19 январь куни Сурхондарё вилоятига жўнаб кетди. Бу ҳақда давлат раҳбарининг матбуот хизмати хабар берди.

Президент ижтимоий-иқтисодий ислоҳотларнинг бориши, халқнинг ҳаёт даражаси ва сифатини янада оширишга қаратилган бунёдкорлик ва ободонлаштириш ишлари билан яқиндан танишиш, халқ билан учрашиш ва мулоқот қилишни мақсад қилган.

Эслатиб ўтамиз, Шавкат Мирзиёев 17 январь куни Ўзбекистон Республикаси биринчи президенти Ислом Каримов таваллудининг 80 йиллигини нишонлаш борасида амалга оширилаётган тайёргарлик ишларига бағишланган йиғилишда Сурхондарё вилоятига ташриф буюриши ҳақида маълум қилганди.