«Манчестер Сити» бош мураббийи Хосеп Гвардиола жорий ҳафтада футболчилик фаолиятини якунлагани ҳақида эълон қилган бразилиялик Роналдиньо борасида ўз фикрлари билан ўртоқлашди.
«Роналдиньо — клубнинг нуфузини ошириш учун энг кўп ҳаракат қилган футболчи. Ўшанда Лапортадек ажойиб президент қўл остида ва Роналдиньодек футболчи билан клубнинг йўналиши бутунлай ўзгарганди.
У кўп йиллар давомида фантастик футбол намойиш этди. Испания чемпионати ва Европа чемпионлар лигасида ғалаба қозонди. Роналдиньо — бутунлай бошқа савиядаги футболчи.
Мессигача Роналдиньога ўхшаш кучли футболчини кўрмаганман», - дея Гвардиоланинг сўзларини келтиради Sport.es.
Эслатиб ўтамиз, Роналдиньо «Барселона»да юлдузлик онларини ўтказган вақтида, Гвардиола каталонияликларнинг ёшлар таркибига устозлик қиларди. 2008 йилда Пеп кўк-анорранглилар бош мураббий этиб тайинланганида эса бразилиялик футболчи клубни тарк этганди.