Абдулазиз Комилов ГФР элчисини қабул қилди

Фото: Ташқи ишлар вазирлиги

Ўзбекистон Республикаси ташқи ишлар вазири Абдулазиз Комилов Германия Федератив Республикасининг фавқулодда ва мухтор элчиси Гунтер Оверфельдни қабул қилди. Бу ҳақда ТИВ ахборот хизмати хабар берди.

Суҳбат чоғида 2018 йил 26-27 март кунлари Тошкент шаҳрида бўлиб ўтадиган Афғонистон бўйича «Тинчлик жараёни, хавфсизлик соҳасида ҳамкорлик ва минтақавий шерикчилик» номли халқаро конференция кун тартиби ва унда Германия иштироки билан боғлиқ долзарб масалалар муҳокама қилинди.