Бугун Наманганда Қуръон мусобақаси

Бугун Наманган шаҳридаги Нуробод даҳасида жойлашган “Имом Аъзам” жоме масжидида қори йигитлар ўртасидаги ва Наманган шаҳридаги “Шодиёна” кошонасида қория аёл-қизлар ўртасида Қуръон мусобақасининг вилоят босқичи бўлиб ўтади. Бу ҳақда Ўзбекистон мусулмонлари идораси матбуот хизмати хабар бермоқда.

Ушбу мусобақада республика босқичига чиқиш учун туман босқичларида биринчи ўринни қўлга киритган 16 нафар қори, 11 нафар қория жами бўлиб 27 киши ҳаракат қилади.

Шунингдек, ушбу вилоятдаги “Ҳидоя” ўрта махсус ислом билим юрти талабалари ҳам республика босқичига йўлланма олиш учун ўзаро мусобақада беллашадилар.