Месси фаолиятидаги энг тезкор голни урди

Чемпионлар Лигасининг 1/8 финалида "Челси"га қарши кечган ўйинда (3:0) "Барселона" футболчиси Лионель Месси тезкор гол уришга муваффақ бўлди. 

Мессига учрашувда ҳисобни очиш учун икки дақиқаю саккиз сония етарли бўлди. Шу тариқа, аргентиналик ҳужумчи "Барселона" ҳамда Аргентина терма жамоаси сафидаги барча расмий ўйинларни ҳисобга олганда, фаолиятидаги энг тезкор голни киритишга муваффақ бўлди.