Босния ва Герцеговина Евроиттифоққа киришга қатъий бел боғлади

Фото: РИА Новости / Алексей Витвицкий

Босния ва Герцеговина президиуми аъзоси Драган Човичнинг ишонч билдиришича, мамлакат 2025 йилда Евроиттифоққа киради.

Чович ҳамда Босния ва Герцеговина вазирлар кенгаши раиси Денис Звиздич февраль охирида Европа комиссияси раҳбари Жан-Клод Юнкерга расмий Брюссель анкетасига жавобларни тақдим этди. ЕКнинг 3,2 минг саволи бўлган ҳамда асосан комиссия номзод мақомига мурожаат қилган давлатнинг интеграцияга тайёр эканини баҳоловчи анкетани Босния ва Герцеговина ҳукумати 2016 йилнинг декабрида олди.

"Ишончим комилки, биз Сербия ва Черногория билан ЕИга кирамиз", - дея Човичнинг сўзларини келтиради Танюг агентлиги. Шу билан бирга, мамлакат президиуми аъзоси 2025 йилни назарда тутганини айтиб ўтди.

"Аминманки, Босния ва Герцеговина жорий йил охирига қадар Евроиттифоққа аъзолик номзоди мақомини қўлга киритади", - дея сиёсатчининг сўзларини келтиради агентлик.