Бугун Тошкентда «ЛУКОЙЛ»нинг Ўзбекистондаги биринчи автомобилларга ёқилғи қуйиш шохобчаси очилиши бўлиб ўтди.
АЁҚШ учун юқори сифатли бензин ва дизель ёқилғиси «ЛУКОЙЛ»нинг нефтни қайта ишловчи заводларидан етказиб берилади. Ўзбекистонда ёқилғининг чакана реализацияси билан «ЛУКОЙЛ Ўзнефтмаҳсулот» шуғулланмоқда.
Автомобилларга ёқилғи қуйиш шохобчасида бензиннинг Аи-92 (1 литр учун 6900 сўм) ҳамда Аи-95 (1 литр учун 7500 сўм) тури сотилади. Шунингдек, Европа сифати ва стандартларига жавоб берадиган дизель ёқилғиси (1 литр учун 7000 сўм) ҳам бор.
