Мавроди автобус бекатида топилган, унинг ўлимига нима сабаб бўлгани айтилди

Москвада «МММ» акциядорлик жамияти асосчиси Сергей Мавроди 63 ёшида вафот этди, деб хабар бермоқда mk.ru.

Нашр маълумотларига кўра, Мавроди Поликарпов кўчасидаги автобус бекатида соат тахминан 1.00лар атрофида ўзини ёмон ҳис этган. Ўткинчи шахс унга «тез ёрдамни» чақиртириб берди, сабаби Мавроди кучсизлик ва юракдаги оғриқлардан шикоят қилган.

Дастлабки маълумотларга кўра, Сергей Мавродининг ўлимига юрак хуружи сабаб бўлган бўлиши мумкин.

Эслатиб ўтамиз, «МММ» акциядорлик жамияти Россия тарихида жабрланганлар сони бўйича энг йирик молиявий пирамида саналади. 2003 йилда Мавроди Россияда йирик миқдордаги фирибгарликлар учун судланди. Баъзи маълумотларга кўра, пирамидада иштирок этишдан жабрланганлар сони 10 454 кишини ташкил қилган.