Британия Афғонистон ва Ўзбекистон қуролли кучларини қўллаб-қувватлаш учун 750 млн фунт стерлинг ажратади

Буюк Британия бош вазирининг махсус вакили Гарет Бейли Тошкентда ташкил этилган Афғонистон бўйича халқаро конференцияда чиқиш қилди.

“Халқ сўзи”нинг ёзишича, у Афғонистон, шунингдек, Ўзбекистон қуролли кучларини қўллаб-қувватлаш учун 750 миллион фунт стерлинг ажратилиши бўйича қабул қилинган қарор ҳақида тўхталиб ўтди.

У, шунингдек, мазкур давлатда тинчликка эришиш, ушбу жараёндаги барча тўсиқлар ва рақибларни енгиш учун бутун бир авлод умри сарф бўлишини таъкидлади.