Путин Кемероводаги савдо маркази кўздан кечирилгани ҳақидаги ҳужжатни имзолаган одамни топишни буюрди

Фото: Россия президенти матбуот хизмати

Россия президенти Владимир Путин Кемероводаги “Зимняя Вишня” савдо марказининг 2016 йилда кўрикдан ўтказилгани ҳақидаги ҳужжатга имзо қўйган одамни топишни буюрди.

Путин бу ҳақда тергов қўмитаси раҳбари Александр Бастрикин ва соғлиқни сақлаш вазири Вероника Скворцова билан учрашувда айтган.

Путиннинг айтишича, у 2016 йилда бино, жумладан “ўт ўчириш хизмати ходимлари томонидан” кўрикдан ўтказилгани ҳақидаги ҳужжатни кўздан кечириб чиққан.

“Мен унда нимани ўқидим? Ҳаттоки ғалати янграйди: “эътирозларсиз”, деб айтган Путин.

У ушбу ҳужжатни топиб, уни ким имзолаганини топишни буюрган.