Президент Муҳаммад ал-Хоразмий номидаги мактабнинг қурилиш ишлари билан танишди

Фото: Президент матбуот хизмати

Президент Шавкат Мирзиёевнинг 2017 йил 14 сентябрдаги қарорига мувофиқ Тошкентда Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактаб барпо этилмоқда.

Ўзбекистон президенти матбуот хизматининг хабар қилишича, давлат раҳбари ушбу мактабнинг қурилиш ишлари билан танишган.

Ўқитувчи ва ўқувчилар учун замонавий шароитлар яратиш, истеъдодли ёшларни излаб топиш ва уларни изчил қўллаб-қувватлаш бўйича кўрсатмалар берган.