Япония корпорацияси вакилларининг сўзларига кўра, Kawasaki Heavy Industries Ўзбекистон бозоридаги ўз мавқеини кенгайтириш ниятида:
«Биз Япония ҳукумати молиявий воситаларини жалб қилиш орқали GTG технологияси бўйича табиий газдан бензин ишлаб чиқарадиган завод қуриш масаласини ўрганмоқдамиз», - дея хабар беришган компаниядан.
Маълум бўлишича, яқин вақт ичида компания делегацияси лойиҳани биргаликда амалга ошириш масаласини муҳокама қилиш учун Ўзбекистонга ташриф буюради.
Kawasaki Heavy Industries, Ltd – Япониянинг Кобе ва Токио шаҳарларида бош қароргоҳларга эга бўлган корпорация, дунёдаги энг катта саноат концернларидан бири. Дастлаб компания кемасозлик билан шуғулланган, аммо ҳозирги вақтда асосий маҳсулотлари - саноат роботлари, гидроцикллар, тракторлар, поездлар, двигателлар, қуроллар, енгил самолётлар ва вертолётлар, шунингдек, Boeing, Embraer ва Bombardier Aerospace самолётлари учун эҳтиёт қисмлари.
